Sumpah Pemuda

Sumpah Pemuda wantah sinalih tunggil bukti otentik inggian punika duk tanggal 28 Oktober 1928 Wangsa Indonesia kamijilang, punika mawinan iraga maka sami pinaka warga Indonesia eling ring momentum 28 Oktober pinaka rahina mijilnyane Wangsa Indonesia, kamijilan Wangsa Indonesia punika wantah pikolih saking perjuangan sameton warga sami sane salami satus warsa sampun karumasa sengsara duaning daweg punika iraga wantah kawawa olih kaum kolonialis, kahanan iraga sane pinaka "budak ring pertiwi" iraga newek punika raris ngwetuang wirang ring para yowana Indonesia duk punika gumanti nyikiyang pakayunan pacang mabela negara, pakayunan sane nunggil ring soang-soang angen sameton warga Indonesia punika raris pinaka semaya perjuangan warga Indonesia raris kantos Wangsa Indonesia ngamolihang mahardika duk tanggal 17 Agustus 1945, nepek ring 17 warsannyane.

Sumpah Pemuda

Iraga pinaka yowana samaliha pinaka generasi panglantur kapungkur wekas, patut prasida nelebang daging miwah suksman Sumpah Pemudane punika. Puniki ring sor wantah daging Sumpah Pemuda sane originil (Ejaan Lami).

Pertama
Kami poetera dan poeteri Indonesia, mengakoe bertoempah darah jang satoe, tanah Indonesia.
Kedoewa
Kami poetera dan poeteri Indonesia, mengakoe berbangsa jang satoe, bangsa Indonesia.
Ketiga
Kami poetera dan poeteri Indonesia, mendjoendjoeng bahasa persatoean, bahasa Indonesia.

Raris sane mangkin kamanggehang daging Sumpah Pemuda sane nganutin EYD, inggih punika.

Pertama
Kami putra dan putri Indonesia, mengaku bertumpah darah yang satu, tanah air Indonesia.
Kedua
Kami putra dan putri Indonesia, mengaku berbangsa yang satu, bangsa Indonesia.
Ketiga
Kami putra dan putri Indonesia, menjunjung bahasa persatuan, bahasa Indonesia.

Duaning sakadi asapunika kasujatian miwah kamahatmiyan Sumpah Pemudane patut pisan warga Indonesia pamekas para yowana lingu tur prasida ngelinggihang ring siwadwara turmaning sida nelebang suksmanipun.  Mogi Jayeng Nagari Indonesia, Swasti Sumpah Pemuda!!! Merdeka!!!